बाँकेको खजुरा गाउँपालिका–२ का स्थायी बासिन्दा तारा प्रसाद पाण्डे फोटोग्राफीका क्षेत्रमा परिचित हुँदै अगाडि बढेका छन् । खासगरी कला र मनोरञ्जनका क्षेत्रमा आफ्नो आयाम प्रस्तुत गर्दै आएका ताराले फोटोग्राफीका क्षेत्रमा आफ्नो नाम स्थापित गराउन सफल भएका हुन् ।
‘मेरो कर्म र त्यसको निरन्तरताले मलाई यहाँसम्म पुर्यायो’, तारा प्रसाद पाण्डेले दर्जनौं म्युजिक भिडियो, टेलिभिजन कार्यक्रम तथा बृत्तचित्रमा आफुले भिडियो ग्राफी तथा विभिन्न औपचारिक कार्यक्रमहरुको फोटोग्राफी गरिसकेको जानकारी दिंदै भने, ‘छिट्टै राजधानी काठमाडौंमा टेलिसिरियलमा कामका लागि अफर आइसकेको छ ।’
खजुरा, नेपालगन्ज लगायतका ठाउँमा आफ्नो कला, कौशलता प्रदर्शनी गर्दै सहकर्मीहरु बीच राम्रो छवि बनाएका ताराले काठमाडौं गएर टेलिसिरियलमा काम गर्ने र थप फोटोग्राफी तथा भिडियोग्राफी अध्ययनलाई अगाडि बढाउने जानकारी दिए । ‘कामसँगै अध्ययनलाई अगाडि बढाउनु मेरो अबको लक्ष्य हो’, ताराले अहिले टेलिभिजन कार्यक्रममा आफु व्यस्त रहेको जानकारी दिंदै भने, ‘छायाँकन मेरो रुचि र पेशा मात्रै होइन जीवनको एउटा समर्पण पनि हो ।’
