बाँकेमा पछिल्लो २४ घण्टामा ३९ जना कोरोना भाइरस संक्रमित थपिएका छन् । जिल्ला कोरोना फोकल पर्सन नरेश श्रेष्ठका अनुसार, १४ जना महिलासहित ३९ जना संक्रमित थपिएका हुन् । योसँगै बाँकेमा ३७४ जना सक्रिय संक्रमित पुगेका छन् ।
बाँकेमा संक्रमित संख्या एक हजार ७४१ जना पुगेकोमा एक हजार ३५६ जना निको भइ घर फर्किएका छन् भने ११ जनाको मृत्यु भएको छ ।
यसैबीच, पछिल्लो २४ घण्टामा नेपालमा १४ सय ९७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ४४९ जनाको पीसीआर परीक्षण गर्दा १४९७ जनामा कोरोना संक्रमण भएको हो ।
नेपालमा कोरोना संक्रमितको कुल संख्या ६९ हजार ३०१ पुगेको छ । पछिल्लो २४ घण्टामा कोरोना भाइरस संक्रमणमुक्त भई ४५७ जना डिस्चार्ज भएका छन् । बिहीबारसम्म ५० हजार ४११ जना कोरोनामुक्त भएका छन् । कोरोना भाइरस संक्रमणका कारण हालसम्म नेपालमा ४ सय ५३ जनाको मृत्यु भएको मन्त्रालयले नियमित प्रेस ब्रिफिङमा जानकारी दिएको छ ।
