हत्या योजना सहित प्रवेश गरिरहेका बेला प्रहरीको फन्दामा
बाँके नरैनापुर गाउँपालिका वडा नं.४ घोडदौरिया नाकाबाट नेपाल तर्फ हतियार सहित प्रवेश गरिरहेका एक भारतीय नागरिकलाई प्रहरीले केहि बेर अघि पक्राउ गरेको छ ।
भारतबाट मल तस्करी समेतमा भूमिका खेल्दै आएका र गत वर्ष नरैनापुर इलाका प्रहरी कार्यालयमा आक्रमण र तोडफोड कार्यमा समेत संलग्न रहेका सिमावर्ती क्षेत्र भारत श्रावस्ती बस्ने नागरिक भएको प्रहरीले जनाएको छ ।
घटना बारे अनुसन्धान भइरहेको र ब्यक्तिको पहिचान तथा थप विवरण बारे केहि बेरमा खुलासा गरिने इलाका प्रहरी कार्यालय भगवानपुरका इन्चार्ज मान बहादुर बिसीले बताए । उनलाई पेस्तोलमा प्रयोग हुने गोली सहित पक्राउ गरिएको प्रहरीले जनाएको छ ।
