दांग बेलझुण्डीबाट घर पठाइएका ३ जना कोरोना संक्रमित करिब १७ घण्टा पछि पुनः नेपालगन्ज लगिएका छन् ।
नरैनापुर गाउँपालिका वडा नं.५ मटेहिया बस्ने ३ जना सहित जम्मा ८ जना दांग स्थित आइसोलेशनमा राखिएका थिए । हिजो आइतवार उनीहरुको रिपोर्ट पोजिटिव देखिएपनि उनीहरुलाई घर पठाइएको थियो ।
घर पुगेका तीनै जना निर्वाद रुपमा गाउँमा डुले, आफ्ना आफन्त र साथीहरु संग भेटघाट गरे ।
चिया पसलमा चिया समेत खान भ्याएका उनीहरुलाई आज विहान ९ बजे पुनः प्रहरीले नेपालगन्ज लगेको छ ।
हिजो दिउँसो ३ बजे नै गाउँपुगेका उनीहरुलाई पुनः आइसोलेशनमा ल्याउन निर्देशन आएपछि लगिएको हो, नेपालगन्ज न्युज संग कुरा गर्दै इलाका प्रहरी कार्यालय भगवानपुरका इन्चार्ज मान बहादुर बिसीले भने, बाँकी विषयमा हामीलाई जानकारी भएन । उनीहरुलाई एम्बुलेन्स मार्फत नेपालगन्ज लगिएको प्रहरीले जनाएको छ ।
प्रतिक्रिया
