नेपालगन्जको मंगलप्रसाद माध्यमिक विद्यालय परिसरमा निर्माण गरिएको छात्रा कलेजको आज बधुबार उद्घाटन गरिने भएको छ । नेपालगन्ज उपमहानगरपालिकाले ८ करोड लागतमा भवन तयार गरेको थियो । कलेजका अन्य भौतिक पूर्वाधारको व्यवस्था सहित केही कर्मचारी समेत राखिएको छ ।
पूर्वाञ्चल विश्वविद्यालयबाट सम्बन्धन पाएपछि आज बुधबार छात्रा कलेजको औपचारिक कार्यक्रम बीच पूर्वाञ्चल विश्वविद्यालयका उपकुलपति प्राचार्य डाक्टर यूवराज कोइरालाले उद्घाटन गर्ने भएका हुन् ।
नेपालगन्जका खासगरी मधेसी र मुस्लिम समुदायका छात्रा कलेज नभएकै कारण उच्च शिक्षाबाट वञ्चित गराइएपछि उपमहानगरपालिकाले छात्रा कलेज निर्माण गरेको हो ।
