लुम्बिनी प्रदेश सभाको बैठक शनिबार पनि बस्ने भएको छ । प्रदेश सभा सचिवालयका अनुसार बैठक आज दिउँसो १ बजेबाट सुरु हुनेछ ।
बैठकमा विनियोजन विधेयक, २०८३ का सिद्धान्त तथा प्राथमिकतामाथिको छलफललाई निरन्तरता दिइने कार्यसूची रहेको छ ।
यसअघि शुक्रबार बसेको बैठकमा १० जना प्रदेश सभा सदस्यले विधेयकसँग सम्बन्धित विषयमा आफ्नो धारणा राख्नुभएको थियो ।
त्यसैगरी, आजको बैठकमा प्रदेश सभा सदस्यहरूले समसामयिक विषयमा शून्य समयमा आफ्ना विचार तथा धारणा प्रस्तुत गर्ने कार्यसूचीसमेत रहेको प्रदेश सभा सचिवालयले जनाएको छ ।
