बाँके प्रहरी प्रमुख, प्रहरी उपरीक्षक श्यामकृष्ण अधिकारीले ढुक्क भएर मतदान गर्न आग्रह गरेका छन् । मतदानको पूर्वसन्ध्यामा दैनिक नेपालगन्जसँग कुरा गर्दै प्रहरी प्रमुख अधिकारीले भने, ‘एकीकृत सुरक्षा व्यवस्था मिलाएका छौं, निर्धक्क भएर भोट हाल्ने वातावरण तयार गरिएको छ ।’
‘कुना कुनामा प्रहरी खटाइएको छ’, बाँके प्रहरी प्रमुख, प्रहरी उपरीक्षक अधिकारीले भने, ‘सुरक्षाकर्मी खटाएर सुरक्षा अवस्थाबारे सूचना पनि लिइरहेका छौं ।’ ४० वटा भन्दा बढी मोबाइल टोली तत्कालै कुनै घटना भए पुग्न सक्ने गरी व्यवस्था गरेको जानकारी दिंदै प्रहरी उपरीक्षक अधिकारीले भने, ‘कसैले डर, धम्की देखाएमा तत्काल प्रहरीलाई खबर गर्नुस् ।’
बाँकेका १ सय ३६ मतदान केन्द्र रहेका छन् । निर्वाचन प्रयोजनका लागि ४ हजार सुरक्षाकर्मी सहित २ हजार २ सय कर्मचारी खटिएका छन् । जसको पहिलो घेरामा प्रहरी र मतदान स्थल बाहिर सशस्त्र प्रहरी तथा दुई÷तीन वटा मतदान केन्द्र लक्षित गरेर नेपाली सेनाको टोली सुरक्षाका लागि खटिएको छ ।
मतदानका बेला कुनै विवाद सिर्जना भएमा तत्काल समाधान गर्न सक्ने टोली समेत जिल्ला प्रशासन कार्यालय बाँकेले खटाएको छ ।
