नेपालमा कोरोना संक्रमितको संख्या १९१ पुगेको छ । आज एकै दिन ५७ जनामा संक्रमण पुष्टि भएपछि संख्या ह्वात्तै बढेको हो । थपिएका संक्रमितमध्ये पर्सामा सबैभन्दा बढी ३९ जना छन् । प्रदेश ५ को कपिलवस्तुका ८, रुपन्देहीका ९ जना संक्रमित थपिएका छन्् । बाराका १ जना छन् । (हेर्नुस् प्रेस विज्ञप्ति)
थपिएका संक्रमित सबै पुरुष रहेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जानकारी दिएका छन् । ।
एकै दिन ५७ जनामा संक्रमण पुष्टि हुँदा सबैभन्दा जोखिममा प्रदेश ५ नै देखिएको छ । नयाँ तथ्यांकसँगै प्रदेश ५ मा कोरोना संक्रमितको संख्या ७० पुगेको छ । आजको तथ्यांकसँगै प्रदेश ५ मा सबैभन्दा बढी कपिलवस्तु २९ जना, बाँके २४,रुपन्देही १६ र बर्दियामा १ जना संक्रमित पुष्टि भएको छ ।
हिजोको अवस्था यस्तो थियो, हेर्नुस् विज्ञप्ति,
