मुख्यमन्त्री शंकर पोख्रेलले प्रदेश पाँच धार्मिक पर्यटनको आकर्षणको केन्द्र विन्दु रहेको बताउनुभएको छ । लायन्स क्लवको कन्भेन्सन सम्मेलनलाई आज नेपालगन्जमा सम्वोधन गर्दै मुख्यमन्त्री पोख्रेलले गौतमबुद्धको प्रवित्र जन्मस्थल कपिलबस्तु प्रदेश पाँचमै रहेकाले यसलाई धार्मिक पर्यटनको केन्द्रको रुपमा विकास गरिने बताउनुभयो ।
अवको समय सम्बृद्धि र विकासको समय भएको भन्दै उहाँले आर्थिक क्षेत्रमा लगानी आवश्यक रहेको वताउनुभएको छ । अस्थीर राजनीतिका कारण सर्वसाधारणमा अविश्वास रहेकाले उनिहरुको विश्वास जितेर काम गर्न आफु प्रतिवद्ध रहेको उहाँले वताउनुभएको छ । लायन्सको कनभेन्सले विकासमा साझेदारी गर्ने मार्गचित्र बनाउनु पर्ने मुख्यमन्त्री पोख्रेलको भनाइ थियो ।
उद्घाटन पूर्व नेपालगन्जमा सामाजिक सद्भाव झल्कने झाँकीसहितको प्रभातफेरी निकालिएको थियो । दुइ वटा हात्ति पनि सहभागी गराईएको प्रभातफेरीमा थारु समुदायको शखीया, मयुर नाच, शिख समुदाय र नेपाल प्रहरी व्याण्ड वाजामा प्रस्तुत भएका थिए । धम्वोझीवाट सुरु भएको प्रभातफेरीलाई विपिचोकमा नेपालगन्ज उपमहानगरपालीकाले स्वागत गरेको थियो ।
त्रिभुवनचोकमा नेपालगन्ज उद्योग वाणिज्य संघको स्वागतसंगै वागेश्वरी टोल हुदै घरवारी टोलवाट पुनः धम्वोझी पुगेको सदभाव ¥याली कार्यक्रम स्थल कारकादो पुगेको थियो । कार्यक्रमको उद्घाटन प्रदेश ५ का मुख्यमन्त्रि शंकर पोखरेलले गर्नुभएको थियो । कन्भेन्सनमा करीव ३ हजार लायनको उपस्थीति रहेको छ । कन्भेन्सनले नेपालगन्जको सांस्कृतिक, पर्यटकिय विकासमा सहयोग पु¥याउने अपेक्षा गरिएको छ । कन्भेन्सनले आगामी कार्यकालका लागी आजै नयाँ नेतृत्व पनि चयन गर्दै छ ।
