कोहलपुर क्रिकेट एकेडेमीलाई जय शम्भु फर्निचर एण्ड होम डेकोरलाई आगामी एक वर्षका लागि प्रायोजन गर्ने भएको छ । विगत लामो समय देखि कोहलपुर क्रिकेट एकेडेमीले कोहलपरमा रहेका क्रिकेटरहरुलाई स्थानिय तथा राष्ट्रिय क्रिकेट प्रतियोगितामा नया खेलाडी उत्पादन तथा क्रिकेटको गतिविधिमा काम गर्दै आएको छ ।
यस क्षेत्र मै पहिलो पटक कुनै क्रिकेट एकेडेमीले प्रायोजन पाएको यो पहिलो पटक हो । अगामी एक वर्ष सम्म हुने क्रिकेटका गतिविधिका लागि सम्पुर्ण प्रायोजन कोहलपुर स्थित जय शम्भु फर्निचर एण्ड होम डेकोरले गर्ने प्रोपराईटर मनोज पौडेलले जानकारी दिए । प्रायोजनमा टी सर्ट,क्रिकेटका सामाग्री,जुतmा लगायत रहेका छन् भने कोहलपुर क्रिकेट एकेडेमीले भाग लिने कुनै पनि प्रतियोगितामा होम डेकोरको साथ रहने छ ।
“कोहलपुरमा विगत केहि समय देखि क्रिकेटका गतिविधि बढी रहेको र यस ठाउका युवाहरुलाई राम्रो अवसरको खाचो भएका कारण आज मेरो सानो प्रयासले आगामी दिनमा खेलकुदमा लगानी गर्ने बाटो समेत खुल्ने जय शम्भु फर्निचरका संचालक मनोज पौडेलले बताए । ” त्यस्तै कोहलपुरमा क्रिकेटबाट योगदान दिदै आएका सिनियर खेलाडी नितेश विष्टले यो प्रायोजनले खेलाडीहरुको मनोबल बढेको बताए ।
