नेपालगन्जन्यूज । पश्चिम बाँकेका ३ गाउँपालिकामा एमालेले स्पष्ट बहुमत सहित जीत हात पारेकाे छ ।
बाँकेकाे पुरानाे बजार खजुरा गाउँपालिकामा एमालेका किस्मत कुमार कक्षपतीले विजय हासिल गरेका हुन् । यसैगरी उपाध्यक्षमा एकमाया विकले जीत हात पारेका छन् । खजुरामा एमालेले ५ वडा अध्यक्षमा समेत विजय हासिल गरेकाे छ । खजुराकाे अन्तिम परिणाम घाेषणा गर्न बाँकि रहेकाे हाम्रा नेपालगन्जन्यूजकर्मीले जनाएका छन् ।
यसैगरी बैजनाथ गाउँपालिकाकाे अध्यक्षमा एमालेका मान बहादुर रूचाल र उपाध्यक्षमा शारदा विश्वकर्मा विजयी भएका छन् । ९ वडा रहेकाे बैजनाथमा एमालेले ५ वडामा जीतेकाे छ ।
नेपालगन्जसंग सीमा जाेडिएकाे जानकी गाउँपालिकामा अध्यक्षमा राम निवास यादव र उपाध्यक्षमा भूमिसरा धिताल विजयी भएका छन् । ६ वडा रहेकाे जानकीमा एमालेले ३ वडामा विजय हासिल गरेकाे छ ।
