नेपालगन्जन्यूज । कांग्रेसबाट नेपालगन्ज उपमहानगरपालिकाका मेयरका उम्मेदवार डा. शुरेस कुमार कनोडियाको प्रचारमा रहेको गाडिमा ढुंगा प्रहार भएको छ । ढुंगा हानेको आरोपमा प्रहरीले राजपा बाँकेका नेता ललित रौनियारलाई घटनास्थलबाट तत्काल नै नियन्त्रणमा लिइएको जिल्ला प्रहरी कार्यालय बाँकेका प्रमुख टेकप्रसाद राईले नेपालगन्जन्यूजलाई जानकारी दिए ।
प्रचारमा हिडेको गाडिमा कनोडिया नरहेको र गाडिमा ड्राइभर मात्र रहेको प्रहरी प्रमुख राईले बताए ।
मधेश केन्द्रित दल राजपाले दोश्रो चरणको निर्वाचनलाई विथोल्ने कार्यक्रम सार्वजनिक गरेको भोलीपल्ट नै नेपालगन्जमा घटना घटेको हो ।
बाँके प्रहरी प्रमुख राईले नेपालगन्जन्यूजसंग संक्षिप्त कुरा गर्दै निर्वाचन अवधिभर सुरक्षालाई चुस्त दुरुस्त बनाउन कुनै कसर बाँकि नछाडिने दावी गरेका छन् ।
फाेटाे ः अमृता केसी
