बाँकेमा निषेधाज्ञा शनिबार सम्मलाई लम्ब्याइएको छ । यद्यपि, निषेधाज्ञा लम्ब्याउँदै जाँदा धेरै क्षेत्रहरु प्रभावित हुने भएकाले विभिन्न क्षेत्र सञ्चालनका लागि मापदण्ड बनाइने भएको छ ।
जिल्ला कोभिड क्राइसिस म्यानेजमेन्ट कमिटिले जिल्लामा निषेधाज्ञा लम्ब्याउँदै शिल गरिएको एरियामा थप सतर्कताका लागि मापदण्ड बनाउन लागेको हो ।
मंगलबार भएको बैठकले शिल हटाउँदै लैजाने त्यसका लागि शिल गरिएका एरिया भित्र रहेका पसल, व्यवसाय सञ्चालनका लागि मापदण्ड बनाउन लागिएको हो ।
प्रशासनले बनाउने सुरक्षा मापदण्ड कार्यान्वयनका लागि पाँच वटा समिति बनाउने भएको छ । जसको कार्यान्वयन नगर्नेलाई तत्काल कारवाही गरिने प्रशासन स्रोतले जानकारी दिएको छ ।
आइतबार देखि सरकारी खोल्ने, गाडी पनि जोर बिजोर अनुसार सञ्चालन गरिने भएको छ ।
