नेशनल प्याब्सन बाँकेले स्वास्थ्यकर्मीको सुरक्षालाई सहयोग पुग्ने गरि पीपीई हस्तान्तरण गरेको छ ।
‘एन–९५’ मास्क, चस्मा, पञ्जा, हेलमेट, शरीरमा लाउने कपडा, जुत्ता, स्यानिटाइजर, जुत्ता कभरसहित आठ प्रकारका स्वास्थ्य सामग्रीको पीपीई सेट प्रदान गरिएको हो ।
नेशनल प्याब्सनका बाँकेका उपाध्यक्ष चिरन्जीवी चन्दका अनुसार, भेरी अस्पताल प्रमुख डा. प्रकाश थापा र नेपालगन्ज मेडिकल कलेज, शिक्षण अस्पताल कोहलपुरका निर्देशक भोजराज जैशीलाई पीपीई हस्तान्तरण गरिएको थियो ।
चन्दले दिएको जानकारी अनुसार, भेरी अस्पताललाई पाँच वटा र शिक्षण अस्पताल कोहलपुरलाई १० पीपीई नेशनल प्याब्सन बाँकेका अध्यक्ष श्याम कंवर, नेशनल प्याब्सनका केन्द्रीय सचिव कुसुम रानाभाट लगायतले हस्तान्तरण गरेका हुन् । चन्दले करीब १ लाख मुल्यको सामाग्री सहयोग गरिएको बताए ।
