जाजरकोटको नलगाडमा जीप दुर्घटना हुँदा ७ जना घाइते भएका छन् भने दुई जनाको अवस्था गम्भीर रहेको छ ।
शुक्रवार दिउँसो बारेकोट गाउँपालिकाबाट सदरमुकामतर्फ आइरहेको भे १ ज ५९५ नम्बरको बोलेरो जीप नलगाड नगरपालिका–४ बाउसेखोलामा दुर्घटना भएको हो।
दुर्घटनामा परि बारेकोट २ लिम्सा गाउँका ओईला घर्ती, सोही ठाउँमा तुलसी पुन, धनकली थापा, आकास घर्ती, निलु सिंह पद्मी घर्ती र जैकली रोकाय घाइते भएका हुन्।
घाइते ७ मध्य दुई जनाको अवस्था गम्भीर रहेको नलगाड–४ का वडा अध्यक्ष बद्री पन्तले जानकारी दिए ।
गम्भीर घाइते भएका दुई जनालाई जिल्ला अस्पताल खलंगा थप उपचारका लागि पठाइएको छ । उक्त जीप ब्रेक फेल भएर सडकमै पल्टिएको थियो ।
