नेपालगन्ज–१३ उदयपुर नजिक शनिबार राती एक जनाको रहस्यमय मृत्यु भएको छ । सुर्खेत चिसापानी बस्ने ३० बर्षीय सागर चन्द ठकुरीको मृत्यु रहस्यमय भएको प्रहरीले जानकारी दिएको छ ।
उदयपुरस्थित गंगापुरमा पोल्ट्री फर्ममा काम गर्दै आएका चन्दको धारिलो हतियार प्रहार गरी हत्या भएको परिवारले दाबी गरेको छ । यद्यपि जिल्ला प्रहरी कार्यालय बाँकेका प्रहरी प्रमुख प्रहरी उपरीक्षक अरुण पौडेलले अनुन्धान पछि मात्रै घटना दुर्घटना, हत्या वा मृत्यु किटान गर्न सकिने बताए । मादक पदार्थ सेवन गरी साइकलमा हिँडेका चन्दलाई घटनापछि उपचारका लागि आफन्तले भेरी अञ्चल अस्पताल ल्याएका थिए । रातीनै मृत्यु भएका ठकुरीको शरीरमा चोट रहेको प्रहरीले जानकारी दिएको छ ।
घटना रहस्यमय भएकाले अनुसन्धानका लागि केही व्यक्तिलाई नियन्त्रणमा लिइएको बाँके प्रहरीले जनाएको छ ।
