एउटा मात्र ग्याँस सिलिण्डरमा आगो लाग्नुले जोखिमपूर्ण अवस्थाको सिर्जना हुन्छ । अझ ग्यासको कारखानमै आगोलागी भयो भने के अवस्था हुन्छ भन्ने कल्पना गर्न गाह्रो हुन्छ । बुधबार वीरगन्जमा एउटा ग्यास कारखानामा आगलागी भएको छ ।
वीरगञ्ज महानगरपालिका– २२ स्थित पटेलनगरमा रहेको सुपर ग्यास उद्योगमा भीषण आगलागी भएको हो । आगालागी पछि त्यहाँको स्थिति भयावह बनेको छ । दमकल पनि आगलागी भएको स्थानसम्म पुगेको छैन । त्यसअघि पुगेको एउटा दकमल आगो चपेटोमा परेको छ । त्यसक्रममा एक दमकल कर्मचारी घाइते भए भने दुई जना वेपत्ता भएका छन् । आगलागीमा परी दुई जनाको मृत्यु भएको प्रहरीले जनाएको छ ।
ग्याँस उद्योगमा रहेको सिलिण्डरहरु ठूलो आवाज सहित पड्किरहेको छ भने नजिकका बस्ती सार्न सुरु गरिएको छ । आगलागी स्थलमा नेपाल प्रहरी, नेपाली सेना पुगिसकेको छ ।
