नेपालगन्ज – बाँकेको खजुरा गाउँपालिकाले अन्तर्राष्ट्रिय साक्षरता दिवस र शिक्षा दिवस विशेष कार्यक्रमको आयोजना गरी मनाउने भएको छ । आगामी आइतबार पालिकाले साक्षरता दिवसलाई विशेष रुपमा मनाउने निर्णय गरेको हो ।
शिक्षा दिवसको औपचारिक कार्यक्रम खजुरा गाउँपालिका वडा नं. ७ स्थित माध्यमिक विद्यालय बठवामा आयोजना गरिने पालिकाको शिक्षा समितिले जानकारी दिएको छ । कार्यक्रममा सामुदायिक र संस्थागत तर्फ एक मावि, एक आधारभूत (१–८) र १ आधारभूत (१–५) तहका विद्यालयलाई तहगत उत्कृष्टताको सम्मान शिक्षा समितिले जानकारी दिएको छ ।
त्यस्तै, सामुदायिक र संस्थागत तर्फबाट एसइइ परिक्षा २०७५ को नतिजामा उत्कृष्ट जिपिए ल्याउने २ छात्रा र २ छात्र, वेशिक लेभल परीक्षा २०७५ मा उत्कृष्ट जिपिए ल्याउने छात्रा÷छात्र लाई नगद पुरस्कार सहित सम्मान गर्ने शिक्षा समितिले जानकारी दिएको छ । पालिकाले शिक्षा दिवसमा सेवा निवृत्त भएका स्थायी शिक्षकलाई सम्मान गर्ने योजना रहेको बताएको छ ।
