सुर्खेत दैलेख सडक खण्डमा यातायात दुर्घटना भएको छ ।
दैलेख तालपोखरीमा ट्रकको ब्रेक फेल हुँदा दुर्घटना भएको हो । ट्रकको ब्रेक फेल भएपछि एउटा घरमा गएर ट्रक ठोक्किएको पत्रकार महासंघ दैलेखका अध्यक्ष चक्र केसीले जानकारी दिए । दुर्घटनाका कारण अवरुद्ध सडक प्रहरीले खुलाउने प्रयास गरिरहेको छ । घटनामा ट्रकका चालक र सहचालक दुवै गम्भीर घाइते भएका छन् ।
त्यस्तै, सुर्खेतको लादेमा जिप पल्टिएको छ । जीप अनियन्त्रित भई पल्टिएको हो । घटनामा मानवीय क्षति भने भएको छैन । (बैशाख १० गते)
