बाँकेको कोहलपुर नगरपालिका–१५ अकलघरुवामा नगर स्वास्थ्य प्रवद्र्धन केन्द्र र अपाङ्ग बाल अस्पताल पुनःस्थापना केन्द्र सञ्चालनमा ल्याइएको छ ।
शनिवार पूर्व स्वास्थ्य मन्त्री गगन कुमार थापाले कोहलपुर नगरपालिकाले सुरु गरेको नगर स्वास्थ्य प्रवद्र्धन केन्द्रको सेवा र अपाङ्ग बाल अस्पताल पुःस्थापना केन्द्रको उद्घाटन गरेका हुन् ।
पूर्वमन्त्री थापाले त्यसअवसरमा स्वास्थ्य र शिक्षालाई पूर्णरुपमा निःशुल्क गरिनु पर्ने धारणा राख्दै त्यसलाई गुणस्तरीय र सर्वसुलभ पनि बनाइनु पर्नेमा जोड दिए ।
लुम्बिनी प्रदेश सभा सदस्य सञ्जु कुमारी चौधरीले थारु समुदायमा जनस्वास्थ्य समस्याको रुपमा रहेको सिकलसेल र थालेसेमियाका बिरामीको उपचारलाई निःशुल्क गरिनु पर्ने धारणा राखिान् । सिकलसेलका बिरामीलाई सरकारले उपचार खर्च भनेर १ लाख रुपैयाँ दिने गरेपनि यस्तै प्रकृतिको थालेसेमियाका बिरामीलाई नसमेटिएकोमा उनको गुनासो थियो ।
थारु समुदायलाई बढी प्रभाव पार्ने थालेसेमिया रोगका बिरामीलाई पनि सरकारले उपचार खर्च दिन नीतिगत रुपमा पहल गरिदिन सांसद थापासँग आग्रह गरिन् ।
कार्यक्रममा लुम्विनी प्रदेश सभा सदस्य बसन्ती अधिकारीले स्वास्थ्य सेवालाई गुणस्तरीय बनाउन आवश्यक रहेको भन्दै त्यसका लागि प्रदेश सरकारले गर्न सक्ने पहलका गर्न आफु तयार रहेको बताइन् ।
कार्यक्रममा कोहलपुर नगरपालिकाका नगर प्रमुख पूर्ण प्रसाद आचार्यले आफुले स्वास्थ्य र शिक्षालाई पहिलो प्राथमिकतामा राखेर काम गरिरहेको धारणा राख्दै स्वस्थ व्यक्तिबाट मात्रै विकास सम्भव भएकाले नगरपालिकाले स्वास्थ्य सेवालाई प्रभावकारी गराउने गरी काम गरिरहेको बताए ।
अपाङ्ग बाल अस्पताल तथा पुनःस्थापना केन्द्रका निर्देशक डा.विवेक बास्कोटा, कोहलपुर नगरपालिकाका उपप्रमुख संगिता सुवेदी, प्रमुख प्रशासकीय अधिकृत टिकाराम ढकाल, वडाध्यक्ष दिपेन्द्र चौधरी, केन्द्रका सूचना अधिकृत बिनिता खड्का लगायतले बोलेको कार्यक्रमबीच जग्गादाता स्वर्गीय पुन्सी थारुको अर्धकधको शालिक अनावरण गरियो । प्रवद्र्धन केन्द्र र अस्पताललाई स्वर्गीय थारुले १० कठ्ठा जग्गा दान गरेकी छन् । कार्यक्रममा जग्गादाताका परिवार सदस्यहरुलाई सम्मानित गरिएको थियो ।
केन्द्र स्थापनाका लागि विशेष योगदान पु¥याएका पूर्व जनप्रतिनिधिहरु पतिराम थारु, गुत्तु थारु, लौटन थारु, हरिराम थारु, राम लौटन यादव, राम मिलन तमौली र हुसेनी बस्फोरले कदरपत्रले सम्मानित गरिएको नगर प्रवक्ता नमबहादुर आलेले जानकारी दिए ।
