सकियो ४८ घण्टे आधारभूत मेलमिलाप तालिम

न्यायाधीश बामदेव ज्ञवाली विवाद समाधानको उत्तम उपाय मेलमिलाप प्रकृया भएको बताएका छन् ।

शुक्रवार नेपालगन्जमा आयोजित एउटा कार्यक्रममा न्यायाधीश ज्ञवालीले मेलमिलापको कार्यविधि संसारभरी मान्य रहेको औल्याउँदै समुदाय र नेपालगन्जका अदालतमा मेलमिलापकर्ताको अभाव महसुस गरी त्यसका लागि तालिमको आयोजना गरिएको बताए ।


सामुदायिक मेलमिलापकर्ता समाज नेपाल र उच्च अदालत तुलसीपुर नेपालगन्ज इजलासले आयोजना गरेको ८ दिवसीय मेलमिलाप तालिम समापनमा न्यायाधीश ज्ञवालीले आठ दिन सम्म तालिममा सिकाइएका कुरालाई जीवनमा प्रयोग गरी सफल मेलमिलापकर्ता बन्ने सुझाव दिए ।


द एशिया फाउंडेशन र अस्ट्रेलियन एडको आर्थिक सहयोगमा भएको तालिममा बांके र बर्दिया जिल्लामा रही पत्रकारिता, राजनीति, स्वास्थ्य सेवा, न्यायिक र प्रशासनिक क्षेत्र, अधिवक्ता, शिक्षक, पूर्व न्यायाधीश, अधिकृत जस्ता विभिन्न क्षेत्रमा कार्यरतहरुको सहभागिता थियो ।


कार्यक्रममा सर्वोच्च अदालतका न्यायाधीश इश्वर प्रसाद खतिवडा, उच्च अदालतका न्यायाधीश डा. रत्न बहादुर वाग्चन, न्यायाधीश बामदेव ज्ञवाली, सामुदायिक मेलमिलापकर्ता समाज नेपालका अध्यक्ष शोभा बस्नेत, जिल्ला अदालतका न्यायाधीश चाडक्य मणि अर्याल अधिवक्ता भानुभक्त रिजाल लगायतकाले सहजीकरण गरेका थिए ।

प्रतिक्रिया

प्रतिक्रिया