‘एमलाइफ’ नेपालगन्जले उचाल्यो केपीएल

एमलाइफ क्रिकेट क्लबले यस वर्षको ‘खैरी प्रिमियम लिग–२०२३’ (केपीएल) क्रिकेट प्रतियोगिताको उपाधि उचालेको छ ।

बर्दियाको गुलरियास्थित बबई क्याम्पसको खेल मैदानमा बुधवार भएको फाइनल खेलमा रनियापुर स्पोट्स क्लब बाँकेलाई ४२ रनले पछाडी पार्दै एमलाइफ क्रिकेट क्लब नेपालगन्जले उपाधि उचालेको हो ।


टस जितेर ब्याटिङ रोजेको एमलाइफले निर्धारित २० ओभरको खेलमा १७२ रन जोड्न सफल भयो । त्यसक्रममा रनियापुरले ६ विकेट लिन सक्यो । एमलाइफका लागि सर्वाधिक ४७ रनको योगदान रविन्दरले गरे ।

प्रतियोगिताको शुरुदेखिनै एग्रेसिभ प्रस्तुति दिंदै आएका एमलाइफका खेलाडीले उत्कृष्ट प्रदर्शनसहित फाइनलमा उपाधि जितेपछि उत्साहित एमलाइफका सिइओ राजकुमार चन्दले शिल्ड उचालेका थिए ।


१७३ रनको लक्ष्यसाथ ब्याटिङमा उत्रिएको रनियापुरलाई निर्धारित २० ओभरमा १३० रनमै सिमित गर्न एमलाइफका खेलाडी सफल भए । त्यसका लागि ९ विकेट लिएका एमलाइफका खेलाडीले ४२ रनको फराकिलो अन्तरमा जीत सुनिश्चित गरेर केपीएल–२०२३को उपाधिसहित ४० हजार नगद पुरस्कार लिएका हुन् ।


मेन अफ द सिरिज एमलाइफकै रविन्दर घोषित भए । एमलाइफले मनोज यादवको कप्तानीमा भाइस कप्तान रोशन सिंहलाई जिम्मेवारी दिएको थियो । प्रतियोगिताको शुरुदेखिनै एग्रेसिभ प्रस्तुति दिंदै आएका एमलाइफका खेलाडीले फाइनलमा उपाधि जितेपछि उत्साहित एमलाइफका सिइओ राजकुमार चन्दले शिल्ड उचालेका थिए ।


चैत्र ६ गतेदेखि ब्ल्याक बक क्रिकेट क्लब बर्दियाले खैरी प्रिमियम लिग आयोजना गरेको हो । भारतका २ सहित बाँके बर्दियाका १२ टिमले प्रतिष्पर्धा गरेको प्रतियोगितामा उप विजेता बाँकेकै रनियापुर स्पोट्स क्लबले नगद २० हजार र शिल्ड प्राप्त गरेको छ ।

प्रतिक्रिया

प्रतिक्रिया