दैनिक नेपालगन्ज
कारकाँदो स्थित श्री स्प्रिङ्गडेल एकेडेमीले शनिबार दोस्रो अभिभावक भेलाको आयोजना गरेको छ । विद्यालयका संचालक अध्यक्ष विनोद प्रसाद न्यौपानेको अध्यक्षतामा भएको कार्यक्रममा स्वागत शिक्षक कमल राज ढकालले गरेका थिए ।
कार्यक्रममा विद्यालय संग सम्वन्धित कार्यविधि, शिक्षण विधि मल्टिमिडियाको अवधारणा, वहुआयामिक र वहु भाषिक सिपमुलक र व्यवहारिक शिक्षण पद्धति तथा अभिभावकका विभिन्न जिज्ञासाहरुको बारेमा विद्यालयका प्राचार्य शरद चन्द्र रावलले सहजीकरण गरेका थिए ।
कार्यक्रममा व्यवस्थापन समिति सदस्य ऋचा लुईटेल, अभिभावक नवराज भट्ट, वन्दना श्रेष्ठ, राजकुमारी श्रेष्ठ, वज्जीर सींह विष्ट, ईन्द्र बहादुर बडुवाल, सुनिता बोहोरा नन्दा खरेल, असोक कुमार वर्मा, मनकुमारी के.सी लगायतले बोलेका थिए । भेलाले शैक्षिक शुल्क यथावत रहने गरी अनुमोदन गरेको छ । नेपालका स्विमिङ कोच तथा यस विद्यालयका खेल प्रशिक्षक चन्द्रराम चौधरीलाई सम्मान गरिएको कार्यक्रमको सञ्चालन शिक्षक यसपाल पौडेलले गरेका थिए ।
