भारतीय सत्तामा मोदीको तेस्रो आरोहण

नेपालको दक्षिण छिमेकी राष्ट्र भारतमा प्रधानमन्त्री नरेन्द्र मोदी आइतबार आफ्नो तेस्रो कार्यकालका लागि शपथ लिँदैछन् । उनीसँगै ५८ मन्त्रीहरुले पनि आइतबार नै शपथ लिँदैछन् ।


नयाँ दिल्लीस्थित भारतीय राष्ट्रपति भवनमा हुने शपथ समारोहका लागि देशविदेशका अतिथिहरु आउने क्रम निर्धारित कार्यक्रमभन्दा १ घन्टा अगाडि नै सुरु भइसकेको छ।


शपथ ग्रहण समारोहमा सहभागी हुन नेपालका प्रधानमन्त्री पुष्पकमल दाहाल नयाँ दिल्ली पुगिसकेका छन् भने देशविदेशका ८ हजारभन्दा बढी सहभागी शपथग्रहणमा रहनेछन्।


एनडीए गठबन्धनको समर्थनमा मोदीले गर्ने तेस्रो कार्यकालको शपथग्रहणमा उनीसँग भाजपाका ४६ र गठबन्धनका अन्य दलका १२ जना मन्त्रीहरु नियुक्त हुँदैछन् ।


मोदीले मन्त्रिपरिषद्मा थुप्रै पुराना अनुहारलाई निरन्तरता दिने भएका छन्। उनले आफ्ना पुराना सहकर्मीहरु अमित शाह, राजनाथ सिंह, नितिन गडकरी, निर्मला सीतारमण, पियुष गोयल, एस जयशंकर लगायतलाई यसपटक पनि निरन्तरता दिने भएका छन्।


भारतीय सञ्चारमाध्यमका अनुसार हरदीप सिंह पुरी, गिरिराज सिंह, अनुप्रिया पटेल, ज्याोतिरादित्य सिन्धिया, जेपी नड्डा, मनसुख मान्डबिया, ललन सिंहलगायत पनि मोदी मन्त्रिमण्डलमा महत्त्वपूर्ण नामहरु रहनेछन्।

प्रतिक्रिया

प्रतिक्रिया