आयोगले नेपालगन्ज घटनाबारे भन्यो, ‘सामाजिक सद्भाव फैलाउ’

बाँकेको नेपालगन्जमा सामाजिक सद्भाव फैलाउन राष्ट्रिय मानव अधिकार आयोगले आग्रह गरेको छ ।

आयोगले घटनाको सत्यतथ्य अनुसन्धान गरी दोषीमाथि कारबाही गर्न, घाइतेको उपचारको व्यवस्था गर्न, विविध सम्प्रदाय बिचको सुसम्बन्धमा खलल पग्ने गतिविधिहरु नगर्न/नगराउन र संयमता अपनाउने अपिलसमेत गरेको छ ।


धार्मिक समुदायबीच विवाद सिर्जना हुँदा भएका पछिल्लो अवस्थालाई लिएर मानव अधिकार आयोगको नेपालगन्ज कार्यालयले घटनाको स्थलगत अनुगमन गरेपछि विज्ञप्तिमार्फत उक्त आग्रह गरिएको हो ।


दुई दिनअघिको एउटा घटनालाई लिएर प्रतिवादमा उत्रिएको प्रदर्शनका क्रममा सार्वजनिक सम्पत्ति तोडफोड, ढुंगामुढा र उछृंखल गतिविधि भएका थिए । त्यस क्रममा ५ सुरक्षाकर्मीसहित २२ जना घाइते भएका थिए ।


आयोगले संविधानले नेपाल बहुजातीय, बहुभाषिक, बहुधार्मिक, बहुसाँस्कृतिक तथा भौगोलिक विविधतायुक्त विशेषतालाई आत्मसात गरी विविधताबीचको एकता, सामाजिक, साँस्कृतिक ऐक्यबद्धता, सहिष्णुता र सद्भावलाई संरक्षण एवम् प्रबद्र्धन गर्ने उल्लेख गरिएको जनाएको छ ।


त्यस्तै संयुक्त राष्ट्र संघको बडापत्र, मानव अधिकारको विश्वव्यापी घोषणापत्र तथा नेपाल पक्ष राष्ट्र भएका महासन्धिका व्यवस्थाहरुलाई समेत आत्मसात गर्दै सामाजिक सद्भाव कायम गर्नु, गराउनु सबैको कर्तव्य हुने आयोगको भनाइ छ ।


साम्प्रदायिक हिंसा भड्किन सक्ने र शान्ति सुरक्षा खलबलिन सक्नेतर्फ संवेदनशील हुन, विचार तथा अभिव्यक्ति स्वतन्त्रताको उपयोग गर्दा अरुको अधिकारप्रति सचेत हुन, मर्यादित रुपमा सामाजिक सञ्जालको प्रयोग गर्न आयोगले विज्ञप्तिमार्फत आग्रह गरेको छ ।

आयोगले घटनाको सत्यतथ्य अनुसन्धान गरी दोषीमाथि कारबाही गर्न, घाइतेको उपचारको व्यवस्था गर्न, विविध सम्प्रदाय बिचको सुसम्बन्धमा खलल पग्ने गतिविधिहरु नगर्न/नगराउन र संयमता अपनाउने अपिलसमेत गरेको छ ।

प्रतिक्रिया

प्रतिक्रिया