पत्रकारितामा ‘चुनौतीसँगै बढ्यो अवसर’

नेपाली पत्रकारितामा चुनाीतीसँगै अवसरमा पनि बढोत्तरी भएको कार्यरत पत्रकारहरुले अनुभव सुनाएका छन् ।


नेपाली पत्रकारहरुको छाता संस्था, नेपाल पत्रकार महासंघको ६८ औं स्थापना दिवसको अवसरमा महासंघ बाँके शाखाले विहीवार आयोजना गरेको ’पत्रकारितामा नयाँ माध्यमका अवसर र चुनौती’ विषयक अन्तरक्रियामा सहभागीहरुले भने, ‘न्यूमिडियाले अवसर थपेको छ ।’


परम्परागत र मूलधारका मिडियाका लागि चुनौती बनेर हस्तक्षेप गरिरहेका नयाँ मिडियाका माध्ययमलाई उपयोग गर्नेतर्फ सोच्न आवश्यक रहेको औल्याउँदै पत्रकारहरुले भने, ‘यीनले सिर्जना गर्ने समस्यामा भने उत्तिकै सावधानी आवश्यक छ ।’

वक्ताहरु महासंघका पूर्व केन्द्रिय सदस्य झलक गैरे, पूर्व अध्यक्षद्वय निरज गौतम र रुद्र सुवेदी, नेपाल प्रेस युनियन लुम्बिनी प्रदेश महासचिव नवीन गिरी, जिल्ला अध्यक्ष अर्जुन ओली, प्रेस चौतारी बाँकेका अध्यक्ष दुर्गा रोकाय, अन्नपूर्णपोष्ट दैनिकका उप–सम्पादक शंकरप्रसाद खनाल, पत्रकार अछरी पोखरेल, विरेन्द्र जैसी, कृष्ण अधिकारी लगायतले परम्परागत र नयाँ मिडियाका आयामहरुबारे चर्चा गरे ।


सुवेदीले नयाँ मिडियाका बारेमा प्रस्तुतिकरण दिंदै चुनौतीसँगै समाचारको स्रोत उल्लेख नगरी हुबहु नक्कल गर्ने प्रबृत्ति बढेकोप्रति चिन्ता व्यक्त गरे । ‘न्यूमिडियालाई उपयोग गर्न सके निकै अवसर छन्,’ पत्रकार अधिकारीले भने । पत्रकार जैसीले पनि नयाँ मिडियाले चुनौमात्रै भन्दा अवसर बढाएको औल्याए ।


उपाध्यक्ष संगीन शर्माको अध्यक्षतामा भएको कार्यक्रममा स्वागत मन्तब्य उपाध्यक्ष करुणा शाह र सञ्चालन सचिव कमल डाँगीले गरेका थिए । त्यसअवसरमा ‘केक सेरेमोनी’ पनि गरिएको थियो ।

प्रतिक्रिया

प्रतिक्रिया