घरभित्रै पसेर गाडी तोडफोड गरेको आरोपमा बिहीबार बाँके प्रहरीले एक जनालाई पक्राउ गरेको छ । नेपालगन्ज–१२ कोरियनपुर स्थित युवराज शाहको घरमा पसी बुधबार राती एउटा समूहले पार्किङ्ग गरिएको गाडी तोडफोड गरेको हो ।
घटनामा संलग्नताको आरोपमा विनोद खड्कालाई प्रहरीले पक्राउ गरेको छ । युवराज शाहका छोरा अनुरागलाई खोज्दै गएको समूहले उनलाई नभेटेपछि गाडीमाथि रिस पोखेको आशंका प्रहरीको छ ।
‘दुवै पहिले एउटै समूहमा काम गरेका गिरोहका सदस्य हुन्’, प्रहरी स्रोत भन्छ, ‘अहिले के कुरा मिलेन र आक्रमणमा उत्रिए ।’ पीडितले किटानी जाहेरीको आधारमा विनोदलाई अभद्र व्यवहारमा कानुन कारवाहीका लागि मुद्दा चलाइएको बाँके प्रहरीले जनाएको छ ।
