नेपाली काँग्रेसबाट राप्तीसोनारी गाउँपालिकाको अध्यक्ष र उपाध्यक्ष पदका उम्मेदवार तप्त पौडेल र मनिषासिंह थारु निर्वाचित भएका छन् ।
राप्तीसोनारी गाउँपालिकाका वडा गुमाएको काँग्रेसले प्रमुख र उपप्रमुखमा भने जित निकालेको हो । यसअघि त्यहाँ प्रमुख, उपप्रमुख दुवै काँग्रेसकै उम्मेदवार विजयी भएका थिए ।
गाउँपालिकाको वडा नम्बर १,२,३,८ र ९ मा नेकपा एमाले निर्वाचित भएको छ । भने, वडा नम्बर ४, ५ र ७ मा माओवादीका वडा अध्यक्ष निर्वाचित भएका छन् ।
यस्तै वडा नम्बर ६ मा भने राप्रपा निर्वाचित भएको छ । उक्त गाउँपालिकामा २०७४ को निर्वाचनमा नेपाली कांग्रेसले गाउँपालिका अध्यक्ष र उपाध्यक्षसहित ५ वटा वडा जितेको थियो ।
