हत्याको तीन साता पुग्नै लाग्दासमेत औपचारिक विवरण दिन नसकेको बाँके राष्ट्रिय अनुसन्धान कार्यालय बाँकेका सहायक सूचक प्रविन थापा मगर हत्या घटनामा परिणाम नजिकै पुगेको खुलासा गरेको छ ।
बाँके प्रहरीको अनुसन्धानलाई सघाउन महानगरीय अपराध महाशाखा काठमाडौको टोलीले एक जनालाई पक्राउ गरेर पठाएपछि हत्या घटनाको गाँठो फुक्दै गरेको खुलासा सम्बद्ध अधिकारीले गरेका हुन् । नेपालगन्ज ६ का १८ वर्षीय विवेक परियारलाई भक्तपुरबाट पक्राउ गरेसँगै उनैको बयानका आधारमा घटनामा संलग्नहरुलाई थप खोजीकार्य गरेको प्रहरीले नेपालगन्ज वसपार्कका ३ जना र कैलालीबाट २ जनालाई शनिवार पक्राउ गरेको दावी गरिएको छ ।
गत माघ २ गते नेपालगन्ज काँरकादोको पूर्व तर्फको खेतमा राष्ट्रिय अनुसन्धानका सिपाही प्रविनको शव फेला परेसँगै बाँके प्रहरीले घटनाबारे कुनैपनि आधिकारिक सूचना बाहिर दिएको छैन । ‘सबै घटना विवरण तपाईहरुलाई बोलाएरै सार्वजनिक गरिनेछ,’ बाँके प्रहरी प्रमुख, प्रहरी उपरिक्षक ओम बहादुर रानाले नेपालगन्जन्यूजसँग भने ।
