लकडाउनको तेस्रो दिन सडकमा सेना समेत उतारिएको छ । यसअघि माइकिङ्ग मात्र गरेको सेना सडकमा उत्रिएको हो । यद्यपि, सेनाले लकडाउन पालनाका लागि कमाण्ड भने सम्हालेको छैन ।
चोकचोकमा रहने सशस्त्र र जनपद प्रहरीसँग खटिएको सेनाले उनीहरुलाई सघाएको अवस्था मात्र देखिन्छ । यद्यपि, भविष्यमा कडाई गर्नुपरे सेना तयार छ भन्ने सन्देश नेपाली सेनाले दिएको छ ।
तेस्रो दिन अन्य दिनको तुलनामा सडकमा कडाई देखिएको छ । तर, साँझ भने अत्यावश्यक सामाग्री खरिदका लागि केही समय खुकुलो पारिएको थियो ।
