नेपालगन्ज–५ का वडाध्यक्ष कैफुलवरा जोलहा बुधबार राती एक महिलाबाट कुटिएका छन् । आफ्नै घर अगाडि स्थानीय महिला रेखा सिंहले चप्पलै चप्पलले कुटेको प्रत्यक्षदर्शीले जानकारी दिएका छन् ।
महिलाबाट कुटिएका वडाध्यक्ष जोलहाले प्रहरीलाई खबर गरेपछि रेखालाई प्रहरीले पक्राउ गरेको प्रत्यक्षदर्शीले जानकारी दिए । ‘एकले अर्कालाई कुटपिट भएको गुनासो आएको छ’, वडा प्रहरी इन्चार्ज प्रहरी निरीक्षक नारायण डाँगीले अबेर राती भने, ‘भोलि बिहीबार बसेर समाधान खोज्ने गरी दुवै पक्षलाई घर पठाइएको छ ।’
घटनाबारे जानकारहरुका अनुसार, दिउँसो नगर सार्वजनिक सुनुवाईमा तँ तँ म म भएको विषयलाई लिएर वडाध्यक्ष जोलहाले रेखालाई हप्काएपछि हातपात भएको हो ।
