सनफ्लो तेलको खरिदमा पुजाले हार प्राप्त गरेकी हुन्
नेपालगन्ज त्रिभुवन चोककी पुजा कुमारी वैश्यले लाखौंको हिराको हार उपहारमा प्राप्त गरेकी छन् । केएल दुगड गु्रप अन्तर्गतको स्वस्तिक आयल इन्डस्ट्रिज प्रालिले आफ्नो उत्पादन सनफ्लो तेलमा आकर्षक हिराको हार र हिराको सेट जित्ने उत्साहजनक अफर ल्याएको छ । सोही योजना अन्तर्गत वैश्यले हार जितेकी हुन् । एक टेलिभिजन च्यानलबाट गरिएको प्रत्यक्ष प्रसारण भएको लक्की ड्रबाट वैश्यले हार प्राप्त गरेकी हुन् ।
दुगड गु्रपका महाप्रबन्धक प्रदिप छाजेडले बुधबार औपचारिक कार्यक्रम बीच वैश्यले प्राप्त गरेको हार हस्तान्तरण गरेका छन् । दुगडले तीन महिनाका लागि उक्त अफर सञ्चालन गरेको थियो । यो अफरको नारा ‘सनफ्लोमा पकाऔं मिठो परिकार, साथमा पाऔं हिराको हार उपहार’ छ ।
