खजुरा – बाँके खजुरा गाँउपालिकाको पशु सेवा साखाले किसानलाई निशुल्क हिउँदे घाँसको बीउ बितरण गरेको छ । शाखाले एक कार्यक्रमको आयोजना गरेर व्यवसायिक तथा साधारण किसानलाई उन्नत जातका घाँसको बीउ बितरण गरेको हो ।
खजुराका व्यवसायिक तथा साधारण गरि करिब एक हजार किसानलाइ बीउ बितरण गर्ने गरि बिहिबारबाट सुरु गरेको पशु सेवा शाखाका प्रमुख रत्न बहादुर साहीले जानकारी दिए । पशु आहारा कार्यक्रम अन्तरगत घाँसमा आधारित पशु पालन गरि पशु उत्पादनमा टेवा पुर्याउने भन्दै पालिकाका किसानलाइ बीउ बितरण गरिएको शाहीले वताए । शाखाले किसानलाई ८० प्रतिशत घाँस र २० प्रतिशत दानामा केन्द्रीत गर्न अनुरोध गरेको छ ।
बर्सिम पाँच क्युन्ट्ल , जै ४ क्युन्ट्ल ५० किलो र भेज २ क्युन्ट्ल हिउँदे घासको बीउ बितरण गरेको साखाक प्रमुख शाहिले जानकारी दिए । घाँस बितरणको सुरुवात गर्दै खजुरा गाउँ पालिकाका प्रमुख प्रशासकीय अधिकृत बम बहादुर केसीले व्यवसायिक रुपमा पशु पालन गर्न आग्रह गरे । पालिकाले प्रत्यक बर्ष किसानलाई उन्नत जातको बीउ बितरण गर्दै आयको छ ।
