नेपालगन्ज – सामाजिक तस्विर सम्बन्धी एउटा प्रतिस्पर्धामा नेपालगन्जका श्याम गिरी र श्याम कुमारी थारुको मितेरी जोडी फोटो पुरस्कृत भएको छ ।
क्याप्चर ए सिसिएल चेञ्ज इन एक्सन फोटो विधाको प्रतिस्पर्धामा मित, मितिनीको फोटो उत्कृष्ट भएको हो । देशभरीबाट प्राप्त ३० वटा विभिन्न सामाजिक काम र विकास सँग संम्बन्धित फोटो मध्ये मित मितिनीको फोटो उत्कृष्ट भएको जानकारी मंगलबार गराइएको छ । अन्तिम प्रतिस्पर्धाका लागी ८ वटा फोटोलाई सामाजिक संजाल फेसबुक मार्फत सार्वजनिक गरिएको थियो । जसमा मित श्याम गिरी र मितिनी श्याम कुमारी थारुको फोटोले सबैभन्दा धेरै लाइक, कम्मेन्ट पाएको थियो ।
रेडियो मर्निङ स्टार ९० मेगाहर्जबाट प्रसारण हुने रेडियो कार्यक्रम संम्झिने पलमा कुराकानीका बेला खिचिएको फोटोलाई प्रतिस्पर्धाका लागि पत्रकार प्रेम विश्वकर्माले अनलाइन मार्फत आवेदन पठाएका थिए ।
