नेपालगन्ज – भारतको रुपैडिहामा एक व्यक्तिलाई त्यहाँ स्थित सुरक्षा बलले ५५ ग्राम स्मेक सहित पक्राउ गरेको छ । रुपैडिया थाना प्रभारी मनिष कुमार पाण्डेले शुक्रबार राती रुपैडिहा स्थित बसपार्कबाट नानपारा निवासी मुबारकलाई पक्राउ गरिएको सञ्चारमाध्यमलाई जानकारी दिएका छन् ।
रुपैडिहा प्रहरी र भारतीय सीमा सुरक्षा बलले संयुक्त रुपमा कारवाही गरी स्मेक बरामद गरेको हो । पक्राउ परेका व्यक्तिलाई कानुनी कारवाहीका लागि भारतीय प्रहरीले नियन्त्रणमा राखेको छ ।
