नेपालगन्ज – आइतबार बाँके प्रहरीले एक जनालाई लागू औषध सहित पक्राउ गरेको छ । बाँके राप्तिसोनारी गाउँपालिका वडा नम्बर ३ का सुरज घर्ति मगरलाई लागु औषध सहित पक्राउ गरि अनुसन्धान भैरहेको जिल्ला प्रहरी कार्यालय बाँकेले जनाएको छ ।
आइतबार जमुनाह चोक पोइन्टमा ईलाका प्रहरी कार्यालय जमुनाह र ला.औ.नि.ब्युरो नेपालगंजको टोलिले चेकजाँच गर्ने क्रममा भारत रुपैडियाबाट नेपाल तर्फ आउदै गरेका उनलाई पक्राउ गरेको थियो ।
उनको साथबाट ९० ट्याबलेट लागु औषध नाईट्रोजेपाम फेला परेको जिल्ला प्रहरी कार्यालय बाँकेले जनाएको छ ।
