वीरगन्ज – वीरगन्जमा शुक्रबार बिहानै किशोरीमाथि एसिड आक्रमण गरेर फरार रहेका अर्का युवक वीरगन्ज २ का १६ वर्षीय माजिद आलमलाई प्रहरीले पक्राउ गरेको छ ।
आलमलाई पर्साबाट शुक्रबार अपराह्न पक्राउ गरिएको दुई नम्बर प्रदेश प्रहरी प्रमुख प्रहरी नायब महानिरीक्षक प्रद्युम्न कार्कीले बताए।
एसिड प्रहार गर्ने अर्का एक युवक सम्साद आलमलाई प्रहरीले नियन्त्रणमा लिइसकेको छ। उनीहरूले बिहान १५ वर्षीया किशोरी मुस्कान खातुनमाथि एसिड खन्याएका थिए।
खातुनको कीर्तिपुरस्थित वर्न अस्पतालमा उपचार भइरहेको छ। त्रिभुवन उच्च मावि कक्षा ९ मा अध्यनरत छपकैया २ निवासी १५ वर्षीया खातुनमाथि शुक्रबार बिहान ६ बजे ती युवकले एसिड प्रहार गरेका थिए।
