तीन जना बन्दी नाटकीय रुपमा बाँकेको खजुरास्थित इलाका प्रहरी कार्यालय धनौलीको हिरासतबाट फरार भएको घटनामा प्रहरी सफलता नजिक पुगेको छ । अपरेशनमा सक्रिय प्रहरी स्रोतका अनुसार, अघिल्लो शनिवार मध्यरातमा प्रहरी हिरासतमा रहेका उनीहरु शौचालयको झ्याल फोडेर फरार भएका थिए ।
सार्वजनिक सुरक्षा अपराध अन्तर्गत पक्राउ परेका खजुरा ३ का निर्मल थापा र उज्वल कार्कीलाई प्रहरीले पक्राउ गरिसकेको छ । स्रोतका अनुसार, लागुऔषध सहित पक्राउ परेका स्थानीय सिमन बिकको खोजीमा बाँके प्रहरी प्रमुख, प्रहरी उपरीक्षक वीर बहादुर वली आफै सक्रिय छन् ।
हिरासतमा पुगेको दुई दिनमैं फरार बिक आफ्नो नजिक पुगेको प्रहरीलाई झुक्याउदै हिडेको सम्बद्ध स्रोतको भनाइ छ । ‘यी सबै घटनाबारे पत्रकार सम्मेलननै गरेर सबै कुरा जानकारी गराउनेछौं,’ प्रहरी उपरीक्षक वलीले दैनिक नेपालगन्जको जिज्ञासामा यत्तिमात्रै भने ।
