जिल्ला प्रहरी कार्यालय बर्दियाले दुई जना धर्म प्रचारकलाई पक्राउ गरेको छ ।
बर्दियाको बाँसगढी–४ अस्नेरी भन्ने ठाउँमा इसाइ धर्मको प्रचारप्रसार गरेको सूचना पाएपछि प्रहरी नायब निरीक्षक झकु प्रसाद पौडेलको नेतृत्वमा खटिएको टोलीले एक नेपाली र एक अमेरिकी नागरिकलाई नियन्त्रणमा लिएको हो । उनीहरुबाट धर्म प्रचारमा प्रयोग गर्नका लागि ल्याइएको पर्चा, पम्प्लेट पनि बरामद भएको बर्दिया प्रहरीले जानकारी दिएको छ ।
पक्राउ परेका अमेरिकी नागरिक ब्राण्डली र हिरा सुनारलाई इलाका प्रहरी कार्यालय मोतिपुर बर्दियाबाट मुद्दा दर्ता गरी आवश्यक अनुसन्धान गरिरहेको जिल्ला प्रहरी कार्यालय बर्दियाका निमित्त प्रमुख प्रहरी नायब उपरीक्षक मदनजीत महराले जानकारी दिएका छन् ।
