बाँकेमा ठूलो परिणामको चरेश सहित तीन जना पक्राउ परेका छन् । इलाका प्रहरी कार्यालय कोहलपुरले मंगलबार राती ३ जनालाई चरेश सहित पक्राउ गरेको हो ।
इलाका प्रहरी कार्यालय कोहलपुरका प्रमुख, डिएसपी रमेश बहादुर सिंहले सल्यानका कालीमान बुढा, सुखेृतका बुद्ध बहादुर रजाली र सुर्खेतका बल बहादुर बुढालाई पक्राउ गरिएको जानकारी दिएका छन् । ‘कहाँबाट त्यति ठूलो परिणामको चरेश बाँके ल्याइपुर्याएका हुन् भन्ने अनुसन्धान गरिरहेका छौं’, इप्रका कोहलपुरका प्रमुख सिंहले भने, ‘अनुसन्धानपछि थप विवरण खुल्नेछ ।’
प्रहरीले पहाडी जिल्लाबाट चरेश ल्याइएको हुनसक्ने आशंका गरेको छ । नेपालबाट भारत तर्फ चरेश तस्करी भएर जाने गरेको छ । उक्त चरेश पनि भारत लैजानका लागि ल्याइएको हुनसक्ने बताइएको छ ।
