‘मधेशी पुत्र–२’ प्रदर्शनमा रोक

काठमाडौं । अनुरागी फिल्म् प्रा.लि.को ब्यानरमा निर्माण भएको “मधेशी पुत्र–२” कथानक चलचित्र केन्द्रीय चलचित्र जाँच समितिले पास गरेन ।

 

चलचित्रमा प्रयोग भएका अपाङ्ग सरकार, छक्का, घण्टा जस्ता शब्दहरु म्यूट गर्ने, टाउकोमा गोली हानेको दृश्यहरु ब्लर गर्न लगाउने र देश विखण्डनको अभिव्यक्ति दिने एक पात्र पात्रको भूमिका र प्रसंग पूर्णरुपमा हटाउन समितिले निर्णय गरेको छ ।

 

मधेशी पुत्र–२ का लेखक निराजन मेहताले तराई–मधेशको वास्तविक राजनीतिक घटित घटनामा आधारित भएकोले समितिले भनेअनुसारका दृश्यहरु हटाउन नमिल्ने बताएका छन् । यस्ता दृश्य तथा सम्वादहरु अन्य नेपाली चलचित्रहरुमा हुँदा केही फरक नपर्ने तर मधेशको राजनीतिक घटनाका बारे निर्माण भएको चलचित्रमाथि रोक लगाउनु मधेशीसँगको विभेदको निरन्तरताकै क्रम नै रहेको लेखक मेहता बताउँछन् ।

प्रतिक्रिया

प्रतिक्रिया