सोमवार साँझ नेपालगन्जमा युवा माथि भएको खुकुरी प्रहार घटनामा संलग्न सबै युवाहरु भागेर काठमाडौ तर्फ गएको आशंका प्रहरीले गरेको छ ।
काठमाडौमा लुकीछिपी बसेको सूचनाको आधारमा कारवाही अघि बढाउँदा फेला नपरेपनि उनीहरु नजिक प्रहरी रहेको बाँकेका प्रहरी प्रमुख एसपी टेक बहादुर तामांगले बताए । ‘हामी कारवाही गर्ने सिलसिला जारी राखेका छौं’, उनले भने, ‘काठमाडौमा त्यहाँको प्रहरीको सहयोग पनि प्राप्त भइरहेको छ ।’
घाइते विशाल सुनारको अवस्था विस्तार सुधार भइरहेको प्रमुख तामांगले बताए । ‘परिवारका सदस्यले दिएको सूचनाको आधारमा पनि अभियुक्तहरुलाई खोज्ने प्रयास जारी राखेका छौं’, उनले भने, ‘छिट्टै अभियुक्त पक्राउ हुनेछन् ।’
