विश्वभर आज सञ्चारकर्मीहरुले विश्व प्रेस स्वतन्त्रता दिवस मनाइएको छ ।
त्यसक्रममा पत्रकार महासंघ बाँके शाखाले पनि आज मे ३, अर्थात् विश्व प्रेस स्वतन्त्रता दिवसका अवसरमा प्रेस स्वतन्त्रता उल्लंघनका घटना र सञ्चारकर्मीहरुको सुरक्षा विषयक अन्तरक्रिया कार्यक्रम आयोजना गरेको छ ।
महासंघका केन्द्रीय सदस्य एवं मध्यपश्चिम क्षेत्रीय संयोजक झलक गैरेको प्रमुख आतिथ्यतामा भएको कार्यक्रम शाखा अध्यक्ष ठाकुर सिंह थारुको अध्यक्षतामा भएको थियो । कार्यक्रमका वक्ताहरुले प्रेस स्वतन्त्रताका घटनाहरु प्रति चिन्ता व्यक्त गरेका थिए ।
शाखा सचिव तिलक गाउँलेले सञ्चालन गरेको अग्रज पत्रकार, सञ्चारकर्मी लगायतको सहभागिता रहेको थियो । कार्यक्रम बीच मध्यपश्चिम क्षेत्रीय संयोजक झलक गैरेको जन्मोत्सवको केक समेत काटिएको थियो ।
