नेपालगन्ज – कवि तथा प्रगतिशील लेखक मणि अर्याल ( मणिरत्न) को नयाँ गीत संगीत बजारमा आएको छ । मणिरत्नले लेखेको आधुनिक गीतको छायांकन सहित बजारमा आएको हो ।
‘मेरो लागि नयाँ प्रयोग पनि हो,’ शनिवार शुभारम्भको पहिलो २४ घण्टामै युटु्बमा अपेक्षित लोकप्रीय भइरहेको ‘घैलाभरी पानी’लाई स्रोता, दर्शकबाट पाएको माया प्रति उत्साहित हुँदै गीतकार मणिरत्नले दैनिक नेपालगन्जसँग भने, ‘यो डान्सीङ संग हो ।’
मणिरत्नको शब्द रचनाको ‘घैलाभरी पानी’मा लोकप्रीय गायक थानेश्वर गौतमले स्वर र संगीतमा सजाएका छन् । राजन इसानको संगीत संयोजनलाई उमेश गुरुङकोे निर्देशन क्वालिटी फील्मस्को ब्यानर आकर्षक दृष्य सहितको भिडियो बनाइएको छ ।
यसअघि मणिरत्नका शब्द रचनामा नरेन्द्र प्यासीको स्वरमा ‘मेरो सुन्दर संसार छ’ बोलको गीत बजारमा आएको थियो । ‘तिहार भित्रै निबन्ध संग्रह ल्याउने तयारीमा छु,’ लेखक मणिरत्नले कथात्मक पाराको निबन्ध लेखनमा आफु जुटेको जानकारी दिंदै भने ।
