नेपालगन्ज – नेपालगन्जमा राष्ट्रकवि माधवप्रसाद घिमिरेको १०१ औं जन्मोत्सव काव्यगोष्ठी गरेर मनाइएको छ ।
बार्दली फाउन्डेसन, क्रियटिभ बुक्स, दैनिक नेपालगन्ज, मेरो टुकी प्रज्ञालय र मध्यपश्चिम स्रष्टा समाजको संयुक्त आयोजनामा गरिएको जन्मोत्सवमा आयोजक संस्थाका सदस्य र नगरको प्रतिनिधिमूलक उपस्थितिमा सो कार्यक्रम गरिएको हो ।
जन्मोत्सव समारोहमा साहित्यकार खगेन्द्र गिरि कोपिला, प्राज्ञ सनत रेग्मी, निबन्धकार सिर्जन लम्साल, साहित्यकार किरण आचार्यलगायतले राष्टकविको व्यक्तित्वमाथि प्रकाश पारेका थिए । कार्यक्रमका अतिथि बेलायती कवि क्रिस बार्डले, सन्तोषी विष्ट, सरिता विक, आदित्य प्रकाशलगायतले रचनावाचन गरेका थिए ।
