गायक महेन्द्र सेडाईको नयाँ म्यूजिक भिडियो एल्बम सोमबार एक कार्यक्रमका बिच सार्वजनिक गरिएको छ ।
नेपालगन्ज उपमहानगरपालिकाका प्रमुख डा. धवल शमशेर राणाले महेन्द्र सेडाईको अनौपचारिक रुपमा संगस नेपालद्वारा यूटुफ मार्फत सार्वजनिक गरिएको ए कान्छी तिमी संग भन्ने बोलको नयाँ म्यूजिक भिडियोको ‘लन्च’ गरेका हुन् ।
उक्त एल्बम चर्चित युवा निर्देशक नवराज सुवेदी (राज) ले गरेको निर्देशनमा दैलेखको बिभिन्न ठाउँमा तथा दैलेखका पर्यटकीय स्थलको रुपमा चिनिने गुराँसेमा उक्त गीतको भिडियो छाँयाकन गरिएको हो ।
सो भिडियोमा शब्द संगित महेन्द्र सेडाईको रहेको छ भने आवाजमा पनि आफनो र गायिकामा पूर्णिमा लामाले साथ दिएकी छन् । चन्द्र एस. सी., पूजा पाठकको अभिनय रहेका छ भने सम्पादन, कलर, छाँयाकन ड्रोन दिनेश ओलीले गरेका छन् । र, भिडियोको मुख्य अर्को पाटो श्रृंगारमा जाजरकोटकी सृजना शाहको भूमिका रहेको थियो । गीतमा संगीत संयोजन गायक तथा संगीत संयोजक सुमन केसीले गरेका छन् ।
लामो समय देखि कलाकारिता क्षेत्रमाा लागेका महेन्द्र सेडाईले थुप्रै गीतहरु बजारमा ल्याई सकेका छन् । मोफसलमा बसेर केन्द्र स्तरको चर्चा पाउन गाह्रो हुने भएकाले उक्त गीतलाई औपचारिक कार्यक्रम गरेर सावजनिक गरिएको गीतका निर्देशक नवराज सुवेदीले जानकारी गराएका छन् ।
सो कार्यक्रममा वरिष्ठ कलाकार राकेश गुरुङ्ग, केबी शाही, सुन्दर गुरुङ्ग, छत्रेश्वर शर्मा, चर्चित गायक प्रमोद डिजी र भरत महतो लगायतलाई दोसल्ला ओढाएर सम्मान गरिएको थियो ।
