नेपालगन्ज – नेपाल ओलम्पिक कमिटी (एनओसी)को दोस्रो कार्यकाल रतन कुमार टण्डन सर्वसम्मत चुनिएका छन् ।
शनिबार राजधानी काठमाडौमा भएको निर्वाचनबाट अध्यक्षमा जीवनराज श्रेष्ठ प्रतिस्पर्धी उमेशलाल श्रेष्ठलाई ७ मत अन्तरले पराजित गर्दै विजयी हुँदा नेपालगन्जका टण्डन कोषाध्यक्ष पदमा सर्वसम्मत चुनिएका हुन् । ‘यो हाम्रा लागि गौरवको कुरा हो,’ पहिलो कार्यकाल पनि सर्वसम्मत भएको स्मरण गर्दै दैनिक नेपालगन्ज सँग भने ।
महासचिवमा निलेन्द्रराज श्रेष्ठ विजयी भए । श्रेष्ठको १५ मत आएको थियो भने उनका प्रतिस्पर्धी पुरेन्द्र विक्रम लाखेले १२ मत मात्र पाए । निर्वाचनमा सबैभन्दा बढि २६ मत पाएर ज्योति राणा उपाध्यक्षमा निर्वाचित भएकी छन् । सुनिलकुमार श्रेष्ठ, तेजबहादुर गुरुङ, अशोकरत्न बज्राचार्य र चतुरानन्नराज बैद्य पनि उपाध्यक्षमा निर्वाचित भए ।
कोषाध्यक्ष टण्डनसँगै उपमहासचिवमा पिताम्बर तिम्सिना, सचिवमा तुलसी थापा, रामजीबहादुर श्रेष्ठ र दीपकहर्ष बज्राचार्य विजयी भए ।
