कलेज अफ म्यानेजमेन्टसँग नेपालगन्ज मल्टिपल कलेज र युनाइटेडसँग सेन्ट थोमस भिड्दै
नेपालगन्जका कलेजहरुबीच जारी ‘इन्टर कलेज फुटसल’ प्रतियोगितामा आज मंगलवारबाट सेमिफाइनल स्पर्धा हुँने भएको छ ।
आयोजक अल्पाइन मेनेजमेन्ट कलेजले दिएको जानकारी अनुसार, सोमवारका खेलबाट विजयी कलेज अफ म्यानेजमेन्ट, नेपालगन्ज मल्टिपल कलेज, युनाइटेड र सेन्ट थोमस सेमिफाइनलमा पुगेका हुन् । उनीहरुबीच फाइनलका लागि आज मंगलवार सेमिफाइनल हुनेछ । त्यसका लागि कलेज अफ म्यानेजमेन्टसँग नेपालगन्ज मल्टिपल कलेज र युनाइटेडसँग सेन्ट थोमस भिड्ने आयोजक अल्पाइन मेनेजमेन्ट कलेजका प्राचार्य केशव पथिकले जानकारी दिए ।
सोमवारको खेलबाट होप इन्टरनेशनललाई पराजित गर्दै सेन्ट थोमस, निम्बललाई पछारेर कलेज अफ म्यानेजमेन्टले सेमिफाइनल यात्रालाई सुरक्षित गरेका हुन् । सेमिफाइनलका लागि युनाइटेड एजुकेशनले बाँके शिक्षा सदनलाई र भृकुटीलाई नेपालगन्ज मल्टिपल कलेजले जीत हासिल गरेका हुन् ।
होप इन्टरनेशनललाई पराजित गर्न सेन्ट थोमसले ४ का विरुद्ध ७ गोल, निम्बललाई पछाडी पार्न कलेज अफ म्यानेजमेन्टले २ का विरुद्ध १० गोल, युनाइटेड एजुकेशनले बाँके शिक्षा सदनलाई ४ का विरुद्ध ७ र भृकुटीलाई नेपालगन्ज मल्टिपल कलेजले २ का विरुद्ध ७ गोल हानेका थिए ।
आफ्नो टिमलाई सेमिफाइनलमा पु¥याउन योगदान गर्ने विजयी टिम नेपालगन्ज मल्टिपल कलेजका रोशन बुढा, सेन्ट थोमसका सन्तोष केसी, कलेज अफ मेनेजमेन्टका विशाल थापा र युनाइटेडका प्रेम सुनार आ–आफ्ना प्रतिष्पर्धाका म्यान अफ द म्याच घोषित भएका छन् ।
अल्पाइन मेनेजमेन्ट कलेजको आयोजनामा नेपालगन्जका कलेजहरुबीच पहिलो पटक इन्टर कलेज फुटसल गत शुक्रवारबाट सञ्चालन भइरहेको छ ।
