बुटवल :प्रदेश ५ का मुख्य मन्त्री शंकर पोखरेल र राष्ट्रिय खेलकुद परिषद् (राखेप) का सदस्य–सचिव रमेशकुमार सिलवाल बीच मंगलवार बुटवलमा भेटवार्ता भएको छ ।
भेटका अवसरमा प्रदेश ५ मा सम्पन्न आठौं राष्ट्रिय खेलकुद, नेपालमा हुने १३ औं दक्षिण एसियाली खेलकुद (साग), नवौं राष्ट्रिय खेलकुद, प्रदेश रंगशालाका विषयमा दुई पक्षबीच छलफल भएको मुख्यमन्त्रीका प्रेस सल्लाहकार शेर बहादुर केसीले दैनिक नेपालगन्जलाई जानकारी दिए ।
भेटमा मुख्यमन्त्री पोखरेलले संघीयतामा खेलकुदलाई कसरी लैजाने लगायतका विषयमा कुरा गर्न आवश्यक रहेको बताए । सदस्य–सचिव सिलवालले संरक्षण र सुरक्षाको दृष्टिकोणले आठौं राष्ट्रिय खेलकुदका लागि बनेका पूर्वाधार प्रतियोगिता सम्पन्न भएपछि प्रदेश सरकारलाई हस्तान्तरण गर्नुमा जोड दिएका थिए ।
खेल पत्रकार तामाङलाई पितृशोक
खेल पत्रकार दिल तामाङका पुजनीय पिता सुकबहादुर तामाङको मंगलबार निधन भएको छ । ६१ बर्षिय सुकबहादुर तामाङ विगत १ बर्षदेखि कलेजोको क्यान्सकरो उपचार गराइरहेका छन् । पूर्व इन्डियन आर्मी तामाङका तीन छोरा १ छोरी रहेका छन् । दील तामाङ कान्छा छोरा हुन् ।
