खेल क्षेत्रमा सक्रिय रहेको जुमा स्पोर्ट्स क्लबले रात्रीकालिन फुटसल प्रतियोगिता आयोजना गर्ने भएको छ । क्लब अध्यक्ष भीम बहादुर रानाभाटले आगामी जेठ १८ गतेदेखि फुटशल आयोजना गर्न लागेको जानकारी दिएका हुन् ।
’क्लबले खेल क्षेत्रलाई सक्रिय राख्नका लागि फुटसल आयोजना गर्ने निर्णय गरेको हो’, अध्यक्ष रानाभाटले भने, ‘खेलकुदको बिकास, बिस्तार र व्यवसायीकरण गर्ने उद्देश्य क्लबले लिएको छ ।’
फुटसल आयोजनाका लागि क्लबले सात सदस्यीय तयारी समिति समेत गठन गरेको छ । समितिको सह संयोजकमा हरिलाल न्यौपाने र सदस्यहरुमा श्यामसुन्दर अधिकारी, उदय अधिकारी, मोहन अधिकारी, अनन्तराम अर्याल र केशव राना रहेका छन् । प्रतियोगिताका लागि दर्ता समेत खुला गरि सकिएको अध्यक्ष रानाभाटले जानकारी दिएका छन् ।
यसअघि जुमाले अन्तर व्यवसायी कप फुटबलको सफलतापूर्वक आयोजना गरिसकेको छ ।
